選票設計不當,直接影響選舉結果?
2001年美國大選發生的選票風波,引起佛羅里達州棕櫚灘縣民眾極度不滿,指選票的設計令佢哋混淆,以致佢哋投錯票。乜咁大獲?
(圖A) 蝴蝶選票 "The butterfly ballot",即左右兩面的設計,而中間小圓圈為投票部份,以打洞的形式投票。當時的選舉主任 Theresa Lepore 指,呢個設計係想內容尺寸大點,年長一靠都可以睇得清楚,但年長一輩卻係投訴得最慘烈的一群。
佢哋以為左頁的George W. Bush 同Al Gore會屬於第一、第二小圈,薯不知原來get錯了,(圖B)其實第二個小圈係屬於右頁的Pat Buchanan,opps...最後出現多達6,607張重覆打洞的廢票,當中5,330張票係投俾Gore及Buchanan,最後布殊以537票險勝。
到底廢票意向、結果如何,都並不是呢篇文章的主旨,因為我哋無意涉及政治呢個議題,而係想講引起呢一次混亂的重點。
一份平面設計夠唔夠周全,個影響可以大到嚇親你,需要考慮顧及各方因素,重中之重係能否發揮到佢應有的功能。上至選舉結果,下至地點的指示、什或睇張餐牌叫飯叫幾耐都會影響到你的生活,唔係講笑,我哋就真係試過食個Lunch,淨係理解張餐牌就用咗我哋10分鐘時間...時間都事小,要死腦細胞事大...
大家又有無試過,於平時日常生活中,見過覺得混淆到R哂頭的平面設計出現呢?歡迎嚟我哋Facebook一齊分享 :-)